Некои луѓе би направиле сè за пет минути слава. Џордан Џејмс Парк си го изобличи лицето со козметички зафати за да личи на својот идол Ким Кардашијан. Лудата промена во изгледот го чинела британскиот шминкер 150.000 долари.
Тетовирање на веѓи, зголемување на усни со филери и ласерско отстранување на влакна се само неколку од третманите за „разубавување“ кои му помогнале на Парк да добие лице со „шок-фактор“.
„Ми се допаѓа вниманието и тоа што луѓето зјапаат во мене на улица. Омразата е добредојдена – таа значи и повеќе внимание“ – изјавил Парк за британскиот весник „The Sun“.
Фактот што цел свет го исмева, очигледно му годи на Парк, кој троши и големи суми за да поседува слични дизајнерски креации како Ким.
