„За оние кои не се со нас“: Иван Босиљчиќ ја изведе „Тајно моја“ од Тоше и едвај ги задржа солзите во Битола

Синоќа, битолчани танцуваа, пееја, се смееја, но и беа обземени од силни емоции на концертот на Јелена Томашевиќ и Иван Босиљчиќ.

Талентираниот брачен пар од Србија ја одушеви битолската публика, но најемотивниот момент беше кога Иван ја отпеа „Тајно моја“ од нашиот ангел Тоше Проески.

„Вечерва се сеќаваме на врвни артисти кои во моментов не се покрај нас, кои се во некои други градови, кои се во некои други земји, на некои други континенти, преку море, а некои драги се на другата страна на небото“ – рече Босиљчиќ пред да започне да ја пее баладата.

На крајот од песната, публиката го награди со силен аплауз, а тој едвај ги задржа солзите додека покажуваше кон небото.

Видео

Вечерва, Јелена и Иван ќе го одржат вториот концерт во Градот на конзулите.

фото: Ивона Кочов / Femina.mk