За љубителите на „Twilight“: Стефани Мајер летово ќе издаде книга од перспектива на Едвард Кулен

Ако сте обожавател на „Twilight“ на Стефани Мајер, со радост ќе ја дочекате веста дека летово ќе биде издадена нејзината книга „Midnight Sun“. Во неа, се раскажани случувањата од „Twilight“, но не од гледна точка на Бела, туку на вампирот Едвард Кулен.

Пред 12 години, славната авторка го прекина пишувањето на книгата откако првите 12 поглавја од неа „истекоа“ онлајн. „Ако се обидев да ја допишам ‘Midnight Sun’ сега, со мојот сегашен начин на размислување, Џејмс веројатно ќе победеше и сите членови од семејството Кулен ќе умреа, што немаше да се совпадне со оригиналната приказна. Многу сум тажна поради тоа што се случи, па мојата работа на книгата е на пауза неопределено време“ – изјавила тогаш Стефани, овозможувајќи им достап на фановите во првите 12 поглавја од книгата.

46-годишната новелистка пред два дена објави дека „Midnight Sun“ ќе биде пуштена во продажба на 4 август годинава.

Сакате да ги прочитате првите 12 поглавја од книгата? Кликнете тука.