Врвна свадбена отменост: Српската блогерка Тамара Калиниќ се венча со саканиот Филипо на Езерото Комо

Свадбените фотографии на Тамара Калиниќ олицетворуваат префинета елеганција. Српската блогерка стапи во брак со саканиот Филипо на отмена церемонија покрај Езерото Комо, а преку фотографии ги пренесе најважните моменти.

Радосната невеста позираше во кристално бела креација од ателјето на Алаја, која плени со софистициран крој и дискретен шлиц, совршено истакнувајќи ја нејзината силуета. Целиот изглед беше заокружен со класичен бел вел и минималистички букет од свежи бели божури.

Популарниот Италијанец грациозно ја следеше во бел смокинг, стилизиран со личен печат. Целата церемонија беше проследена со беспрекорна декорација од раскошни бели цветни аранжмани, кои во комбинација со природната убавина на Езерото Комо, создадоа вистинска бајковита атмосфера.

„Ми се оствари сонот. И не зборувам за фустанот од високата мода на Алаја, туку за тоа што официјално оформив семејство со љубовта на мојот живот“ – пишува таа.

Малку детали се познати за свадбата на која се смета дека присуствуваа најмалку сто гости.

Тамара и Филипо се заедно околу шест години, а се верија пред три години кога тој ѝ предложи брак за време на романтична вечера со која ја славеа годишнината од врската.