Дискусиите околу темата за врсничко насилство сè повеќе се разгоруваат додека сè повеќе случаи излегуваат пред очите на јавноста.
Адвокатката Маја Ристова сподели шокантна снимка на која девојче е безмислосно удирано со тупаници и клоци и влечено за коса во присуство на повеќе малолетни лица.
Видео
Ристова реагираше со револт откако, како што вели, судот изрекол само мерка „Засилен надзор од страна на родител“. Нејзината објава во продолжение:
Ова е врсничко насилство во Штип од пред неколку месеци.
• За кривичното дело „Насилство врз дете“ обвинителот предложи воспитна мерка „Засилен надзор од страна на ЦСР”“ судот процени дека мерката е строга, па изрече „Засилен надзор од страна на родител“ (пресмешно). Предметот е во жалбена постапка.
• За кривично дело „Запуштање и малтретирање на дете“ беа отфрлени кривичните пријави, за по жалба да биде вратен предметот на повторно одлучување.
Поентатата ми е како институциите гледаат на овој проблем. Слично како со семејното насилство. Изгледа треба да се случи „Рибникар (Србија)“, за да се разбудат, како што се разбудија за семејно насилство по случајот „Ивана и Катја“.
Врсничкото насилство е во фокусот на македонската јавност по случајот со брутално малтретирање на девојче од страна на малолетнички во Ѓорче Петров. Имено, жртвата беше горена со цигари, понижувана и принудувана да лиже измет од куче, а притоа беше и снимана.
Многумина се едногласни дека потребни се системски измени, а се предлагаат и рестрикции во користењето на социјални мрежи.