По повод лансирањето на книгата „Hold Still“, војвотката Кетрин ја посети Националната портретна галерија во Лондон.
39-годишната припадничка на кралското семејство се сретна со некои од фотографите чии дела се најдоа во книгата.
Нејзината елегантна комбинација вклучуваше палто во впечатлива црвена боја од брендот Eponine London, салонки во кафеава нијанса и чантичка од DeMellier.
Кетрин ја започна иницијативата за проектот „Hold Still: A Portrait of Our Nation in 2020“ минатата година, со повик до јавноста за создавање на колекција од фотографии кои го отсликуваат животот во пандемија. Од над 30.000 испратени фотографии беа избрани 100 најдобри.
Денеска Кетрин остави неколку примероци од книгата на произволни места низ британската метропола.
