Српскиот рапер Михајло Верувиќ, познат како Војаж, се оствари во улогата на татко. Според ексклузивните сознанија на српскиот медиум „Блиц“, 25-годишниот музичар и неговата свршеница го добиле своето прво дете пред една недела.
Веста успеале да ја зачуваат од јавноста, а идентитетот на неговата избраничка и понатаму останува непознат. Војаж веќе извесен период не се појавува во јавноста, па информацијата за новата животна улога ги изненади неговите обожаватели.
Дополнително внимание привлече и неговиот профил на Instagram, на кој во моментов се избришани сите фотографии, а единствената објава е селфи-фотографија поврзана со победата на студентското движење на изборите во Србија пред една недела.
На стори тој сподели фотографија на која носи масивен златен ланец со приврзок на кој се прикажани Богородица и Исус. Објавата ја придружи со стихови од својата песна „Interlude“:
„Dok je kući srećna mama,
možda to se zove karma,
kad je trpeza od zlata“.
Интересно е што раперот претходно отворено зборувал за своите желби кога станува збор за семејството. Во една прилика на социјалните мрежи, открил дека една од најважните животни цели му е да стане млад татко и да изгради функционално семејство.
„Сакам да бидам млад татко и да имам најдобар можен однос со своите деца. Функционално семејство.“ - напишал тој.
Инаку, јавноста претходно го поврзуваше со пејачката Анџела Игњатовиќ, позната како Бресквица, со која беше во врска, а по нивното раскинување имаше и подолга љубовна врска со друга девојка.
