„Во сите интервенции сум бил храбар, оваа ми е најважната“: Пожарникар од Скопје ја запроси саканата на Денот на пожарникарите

Емотивен момент го одбележа Денот на пожарникарите во Скопје, кога припадник на скопската Противпожарна бригада реши токму пред своите колеги и присутните да ја побара раката на својата сакана.

Васе Вацов ја запроси својата партнерка со транспарент кој го држеа неговите колеги. На него беше испишана романтична порака: „Во сите интервенции сум бил храбар, но оваа ми е најважната, ќе се омажиш ли за мене?“

Изненадувањето заврши со среќно „да“, а присутните го поздравија парот со аплаузи и честитки.