Христијан Тасковски – Таско сè уште тагува по својот пријател Владимир Блажев – Панчо.
Во чест на својот покоен другар, македонскиот рапер направи длабок гест кој засекогаш ќе го носи со себе.
Таско реши да го овековечи ликот на Панчо на својата нога, преку тетоважа која ќе биде траен потсетник на нивното пријателство и заедничките спомени.
Тетоважата потсетува дека времето поминува, но сеќавањето на саканите луѓе останува засекогаш.
Откако дозна за смртта на Панчо, Таско скршен од тага сподели емотивна порака:
Душата ми е распарчена стари...
Не сакам да верувам во ова што го читам и гледам.
Ти ми беше еден од ретките луѓе кои не бев сродство по крв, но го чувствував како роден брат.
Секогаш знаеше да ме дигнеш кога ќе паднам, беше тука за мене во најтешките и најсреќните моменти од мојот живот, знаеше да ме вратиш назад во живот како никој друг...
Стари мој, сè што и да пишам за тебе е малце, ваква величина како тебе има само датум на раѓање, и еден цел живот е малце за благодарноста која што ја чувствувам секој ден од кога те запознав.
Никогаш нема да те заборавам, и ветувам ќе го носам пламенот во мене како што само ти ме учеше. Фала ти за се, и се гледаме на друго место. Почивај во мир, ќе ми фалиш...
Панчо речиси седум месеци се лекуваше во болница по трагичниот пожар во дискотеката „Пулс“ во Кочани, но за жал, почина како последица на повредите.