Фотографот Тобијас Баугертнер заслужено го освои првото место на натпреварот за најдобра океанска фотографија за 2020 организиран од списанието „Oceanographic“.
На победничката фотографија, која стана вирална, два пингвини се прегрнуваат додека уживаат во прекрасна глетка.
Фотографијата била направена во 2019 година, кога и двата пингвини ги имале изгубено своите сакани партнери и честопати биле гледани како се тешат еден со друг.
„Во вакви времиња најсреќни се оние кои можат да бидат со личноста која ја сакаат најмногу. Овие пингвини од бајките беа застанати на карпа со поглед кон хоризонтот во Мелбурн. Стоеја таму со часови, гледајќи ги блескавите светла и океанот“ – пишува Тобијас, кој поминал 3 ноќи со пингвините за да ја направи оваа фотографија.
