Списанието In Touch вчера објави вест дека славниот холивудски пар Вил и Џејда Смит става крај на својата 13-годишна врска. Веста моментално се рашири на интернет и за неколку часа стана вирална.
Но, додека сите коментираа колку е жално што уште еден брак ненадејно се распадна, Вил и Џејда подготвуваа соопштение за да ја демантираат ваквата вест.
Вил и Џејда Смит
„Иако не сакаме да одговараме на вакви вести на медиумите, гласините кои кружат за нашата врска се целосно погрешни. Сè уште сме заедно“ – изјавиле Вил и Џејда.
Како причина за разделбата медиумите наведуваа афера помеѓу Џејда и Марк Антони. Гласноговорникот на Џејда побрза да ги негира и тие гласини. „Сè за Џејда и Марк Антони е погрешно“ – изјавил тој за Us Weekly.