Викторија и Дејвид Бекам уживаа на фамилијарен одмор за „крај на летото“, отсуствуваше само синот Бруклин

Викторија и Дејвид Бекам го крунисаа крајот на летото со вистинска фамилијарна бајка.

51-годишната дизајнерка и 50-годишниот поранешен фудбалер уживаа со своите родители и своите деца на луксузно патување од коешто споделија фотографии. Од семејната идила отсуствуваше само најголемиот син Бруклин, кој поради кавгите со родителите веќе некое време не присуствува на нивните собири.

„Совршен крај на летото“ – напиша Викторија на албумот споделен на Instagram.

Славниот пар гордо позираше со своите три деца Харпер, Круз и Ромео.

Нивниот најголем син Бруклин не се појави ниту на ова патување. Само за потсетување, тој минатиот месец ги обнови брачните завети со својата сакана Никола Пелц, но не покани ниту еден член од своето семејство.

Веќе со месеци наназад се зборува за тензија и кавги меѓу него и родителите.