Викторија и Дејвид Бекам со децата пристигнаа на Париската модна недела по скандалите со Бруклин, таа доби Орден
Викторија Бекам пристигна на Париската модна недела, која моментално се одржува во француската престолнина, во период кога семејството се соочува со скандали поврзани со нејзиниот најстар син, Бруклин.
51-годишната модна дизајнерка беше придружувана од сопругот Дејвид, ќерката Харпер и синовите Круз и Ромео, како и нивните девојки. Семејството јасно покажа дека е решено да не дозволи семејните драми да го засенат овој важен момент за Викторија.
Очекувано, Бруклин Бекам и неговата сопруга Никола Пелц не се појавија на настанот.
По пристигнувањето во Париз, Викторија беше одликувана со Орден за уметност и литература од страна на француското Министерство за култура. Ова престижно признание се доделува за исклучителен индивидуален придонес во уметноста, литературата и културата.
Во својот говор, Викторија му се заблагодари на сопругот Дејвид, кој бил првиот што инвестирал во нејзиниот моден бизнис, како и на нивните деца, нагласувајќи дека нивната поддршка ѝ значи најмногу.
Искрено ѝ благодарам на француската министерка за култура, Рашида Дати, за оваа чест. Благодарност и до моите деловни партнери кои веруваа во мене, до моето семејство, а особено до Дејвид – мојот сопруг и прв инвеститор. Не можам да бидам поблагодарна, вие ми те сè - напиша Викторија на Instagram.
