Адријана Лима заведува со сензуален поглед и егзотичен изглед во новата рекламна кампања на Дона Каран.
Славната дизајнерка го објави и видеото од кампањата за сезоната пролет/лето 2014, снимено на Хаити. Во рекламниот спот покрај привлечната Бразилка се појавува и шпанскиот модел Андрес Сегура.
Каран деновиве ја надополни кампањата со нови фотографии зад кои стои модниот фотограф Расел Џејмс.
Првите фотографии од новата соработка на Лима и Каран беа објавени пред десетина дена. Во урбаната колекција на 65-годишната креаторка доминираат релаксираните силуети.
