Chanel го објави вториот дел од рекламната кампања со Бред Пит. Додека во првиот дел 48-годишниот актер беше единствената личност во рекламата, во вториот дел француската модна куќа вклучи и убави жени кои уживаат во аромата на легендарниот парфем Chanel N°5.
Улогата на Бред не е променета, тој повторно држи монолог и вели: „Не е патување. Секое патување завршува, но ние продолжуваме. Светот се врти, а ние се вртиме со него. Плановите исчезнуваат. Соништата доаѓаат на нивно место. Но, каде и да одам, ти си таму. Моја среќа, моја судбина, мое богатство.“
Режисерот Џо Рајт изјавил дека му било задоволство да работи со Пит. „Секогаш е убаво кога ќе сретнеш личност на која ѝ се восхитуваш, а таа ќе ги надмине твоите очекувања“ – рекол Рајт.