Ели Сааб го објави промотивното видео за колекцијата ресорт 2015 наречена „Urban Delicacy“.
Либанскиот дизајнер самоуверено си го зачувува своето место во женските срца со модерна и деликатна елеганција.
Неодоливи „макарон“ нијанси, кои потсетуваат на познатиот француски десерт, ги осветлуваат софистицираните силуети. Женственоста на актуелната колекција е изразена преку кроеви кои ја следат линијата на телото, но и преку мајсторски подредени декорации од мониста, кристали и цветни апликации. Префинетата чипка им дава на креациите минимална провокативност.
Видеото се фокусира на деталите кои говорат за префинетост и мајсторски пристап при креирањето.
За потсетување, еве и дел од креациите:
