Марија како ангел на Victoria’s Secret: Убавата ќерка на Дарко и Маја Панчеви со заводлива маска за Халовин

Социјалните мрежи деновиве беа преплавени со креативни маски за Халовин.

Марија Панчева со гламурозна ангелска трансформација мамеше комплименти за Ноќта на вештерките.

20-годишната ќерка на Дарко и Маја Панчеви се маскираше во ангел инспириран од спектакуларното шоу на Victoria’s Secret и сподели неколку фотографии на социјалните мрежи.

Во бел корсет, со големи бели крилја, високи потпетици и впечатливо цветно здолниште, Марија изгледаше како да излегла директно од модната ревија на познатиот бренд за долна облека.

Марија беше во друштво на своја пријателка, која исто така избра ангелска комбинација.

Младата девојка веќе извесен период чекори во модниот свет и деновиве дефилираше на неколку ревии на Моден викенд Скопје.