„Нека твојата чиста душа најде вечен мир и спокој“: Сопругата на пејачот Маријан Стојаноски скршена по загубата на 5-годишното синче

Кога еден родител ќе изгуби дете, како да губи дел од себе, а болката остава празнина која никогаш не може целосно да се исполни.

Сопругата на пејачот Маријан Стојаноски, Наташа, сподели емотивна посвета неполни 40 дена по прераното заминување на нивниот петгодишен син Петар.

Нејзините зборови се исполнети со неизмерна тага, безгранична љубов и копнеж по нивното мало ангелче, чиј спомен засекогаш ќе живее во нивните срца.

„Петар, ангелу наш мил, се ближат 40 дена откако ти се пресели на едно подобро место, а нас ни го остави најтешкиот товар – да учиме да живееме без тебе. Велат дека времето лекува сè, но овие 40 дена ни покажаа дека болката и празнината само стануваат подлабоки. Ти беше и засекогаш ќе останеш нашата најголема гордост и светлина. Иако физички веќе не си со нас, твојот спомен го чуваме во секој агол од нашиот дом, во секоја молитва и во секоја солза. Нека твојата чиста душа најде вечен мир и спокој. Те сакаме бесконечно и ќе те сакаме додека дишеме“ - стои во објавата.

Пред неколку дена, македонскиот пејач сподели фотографија од синчето со пораката:

„Каде си чедо татино. Сине мој, тато ама премногу те сака.“

Малиот Петар почина ненадејно на 27 септември.

Маријан и Наташа имаат и две ќерки.