Тејлор Свифт го најави својот прв поп албум и го објави спотот за првиот сингл „Shake It Off“.
Во видеото 24-годишната пејачка се обидува да стане танчарка, додека пее дека до неа воопшто не допираат недобронамерните коментари од луѓето.
„Shake It Off“ е дел од албумот „1989“ кој ќе биде објавен кон крајот на следниот месец.
Новиот сингл на популарната пејачка има големи шанси да заврши на врвот на музичката листа Billboard Hot 100.
Свифт е еден од најуспешните музичари на сите времиња во однос на продажбите, а четирите албуми ѝ имаат донесено 7 Греми награди.