ВИДЕО: Спот на Бон Џови за „What Do You Got?“

Светски познатите рокери од бендот Бон Џови премиерно на Vevo го пуштија својот најнов спот за песната „What Do You Got?“.

Кадар од спотот за „What Do You Got?“

Во спотот учествуваат Вес Бентли (ѕвездата на филмот „Американска убавина“) и 28-годишната актерка Сузан Скоти Томсон.

„What Do You Got?“ е една од четирите нови песни на бендот кои ќе се најдат на новиот албум „Greatest Hits“. Албумот ќе биде составен од 16 песни, меѓу кои и „Livin’ On A Prayer“, „Always“, „It’s My Life“, „Wanted Dead or Alive“ и „Who Says You Can’t Go Home“, а ќе биде пуштен во продажба во ноември оваа година.

Оваа рок балада заедно со спотот нè потсетуваат зошто Бон Џови имал и секогаш ќе има милиони обожаватели низ целиот свет.