Новогодишните и божиќните празници се далеку, но големите светски компании веќе започнуваат со стратегии за привлекување на поголем профит.
Британската компанија „John Lewis“ секоја година изненадува со високобуџетна, но емотивна и креативна реклама. Оваа година компанијата се насочи кон темата „пронаоѓање на идеален подарок за саканите“.
Анимираната реклама е инспирирана од Дизни и многу потсетува на цртаниот филм „Бамби“. Во видеото се раскажува приказната за пријателството помеѓу зајак и мечка. На почетокот во рекламата се објаснува дека мечката е животното кое никогаш не го доживеало Божиќ (поради хибернацијата). Но, зајакот го пронаоѓа идеалниот подарок за својот пријател за да му подари незаборавен Божиќ.
Песната „Somewhere Only We Know“ за видеото е препеана од Лили Ален.
За рекламата биле издвоени неверојатни 7 милиони фунти.
Минатата година „John Lewis“ објави емотивна реклама за заљубен Снешко.