„Спиј мирно меѓу ангелите“: Маријан Стојаноски и сопругата Наташа со трогателни пораки 40 дена по загубата на 5-годишното синче

Пејачот Маријан Стојаноски и неговата сопруга Наташа се соочуваат со најголемиот родителски кошмар. Изминаа точно 40 дена откако нивното 5-годишно синче Петар прерано го напушти овој свет.

Преку емотивни пораки на социјалните мрежи, тие се потсетија на нивниот ангел, кој ненадејно ги напушти нивните прегратки.

„Поминаа 40 претешки денови откако те нема, ангелу мој. Светот без тебе е празен и тивок, а болката во мојата душа е неизмерна. Секој ден, секоја минута си во моите мисли и молитви. Твојот лик, твојата насмевка и твојата добрина засекогаш ќе останат врежани во моето срце. Спиј мирно меѓу ангелите, синче мое најмило. Вечен ти спомен“ - стои во објавата на Наташа.

Во исто време, Маријан сподели колаж од фотографии од семејните спомени заедно со сопругата и нивните деца, проследена со зборови кои кршат срца:

„Синкo мој, 40 дена од кога не си се гушкаме сите 5 души заедно, те бараме насекаде, зошто синко не ни доаѓаш бар на сон да те гушнат мама и тато“.

Петар почина ненадејно на 27 септември.

Искрено сочувство до семејството.