ВИДЕО: Новак Ѓоковиќ не можеше да си ги сокрие силните емоции и се расплака на трибините по победата во Мелбурн
Новак Ѓоковиќ дозволи емоциите да го совладаат по 10-тата победа на Австралија Опен и освојувањето на 22-рата Грен слем титула.
Легендарниот српски тенисер се качи на трибините каде што се наоѓаа членовите од неговото семејство и стручниот тим, а солзите потекоа по неговото лице. Ноле плачеше во прегратката на мајка си пред да слезе на теренот.
— Ricardo Kaka (@rikardons) January 29, 2023
Меѓу присутните не беше неговиот татко Срѓан, кој одлучи да се дистанцира од медиумското внимание по обвинувањата дека е поддржувач на Путин и Русија.
И неговата сопруга Јелена не присуствуваше на турнирот во Мелбурн. Причина за тоа биле училишните обврски на децата. Сепак, таа сподели фотографија од сопругот и напиша: „Браво љубави“.
Силните емоции на Србинот веројатно се должат за минатогодишната забрана да учествува на турнирот поради тоа што не беше вакциниран.
