Во животот малку се миговите на неизмерна радост и навистина вреди да бидат овековечени. Видеото во кое ќерка му кажува на татко си дека е бремена разнежни милиони на YouTube и прикажува еден од тие мигови кои се врежуваат во сеќавањата.
„Му кажав на татко ми дека ќе стане дедо. Јас сум му единствено дете, а мајка ми почина пред 20 години. Бараше од нас внуче уште од свадбената ноќ. Мислам дека е среќен“ – напишала идната мајка на Reddit.
Во видеото среќниот татко и иден дедо не може да ги задржи солзите откако ќе ја прочита кратката порака врзана за цуцла.