ВИДЕО: Игор Џамбазов со емоции ја отпеа „Црно тиквешко“ на Владо Јаневски во Охрид и допре до многу срца

Еден од најемотивните моменти на музичко-сценскиот спектакл „Силно светнал ден“ во Охрид беше изведбата на „Црно тиквешко“ од Игор Џамбазов.

На стадионот „Билјанини Извори“, македонскиот актер и музичар ја отпеа познатата балада на Владо Јаневски и разбуди силни емоции кај публиката.

Видео

Џамбазов ја имаше централната улога на концертот „Силно светнал ден“ по повод 35-годишнината од независноста на Македонија. Како домаќин и раскажувач, тој ја водеше публиката низ различни времиња и генерации.

На големата сцена настапија Тамара Тодевска, Андријана Јаневска, Ана Дурловска, Игор Дурловски, Пере од „Нокаут“, Елена Ристеска, Бојана Скендеровски, Александар Тарабунов, Тони Зен, Таско, Next Time, Ана Петановска, Лина Пејовска и многу други.

Охрид беше првата станица на караванот „Силно светнал ден“, кој ќе продолжи да патува низ повеќе градови во Македонија.