Хумористични преобразби измамија безгрижни насмевки од лица болни од рак. Моќен проект предизвика 20 лица барем за миг да заборават на болеста со која се борат.
Во рамките на проектот „If Only for a Second“, фотографот Винсент Диксон повикал 20 лица болни од рак и им ветил физичка преобразба, под услов да ги држат очите затворени додека трае трансформацијата.
Кога ги отвориле очите, Винсент ги фотографирал нивните реакции. Изненадувањето се чита на нивните лица, болеста исчезнува од нивните мисли, а нивната искрена насмевка ќе ви го стопли срцето.
Зад проектот стои „Mimi Foundation“, организација насочена кон подобрување на животот на пациенти со рак во текот на мачниот процес на лекување.