Евровизиската треска стигна и до Панама. Стефани Вилс од Панама, која има амбиции да се пробие во музичкиот свет, ја препеа песната „Црно и бело“ со која Калиопи ќе настапи на Евровизија.
Стефани, која повеќе сака да се нарекува Тара, признава дека не знае македонски, но очигледно тоа не ѝ било пречка да ја испее македонската песна.
„Знам, Калиопи има огромен глас и ова е само обид на еден обожавател, но уште од април сакав да ја испеам песната, па го направив и сега го споделувам на YouTube. Се разбира, не зборувам македонски или кој било друг од групата словенски јазици, па ова беше добар предизвик. Оваа година балканските држави владеат на Евровизија, па со среќа на сите“ – пишува во описот на видеото.