Американецот Тед Вилијамс е бездомник со неверојатен глас кој очигледно е роден за на радио. Тој заработува за леб на автопат во Охајо, каде луѓето му даваат по некој долар за да го слушнат неговиот „златен“ глас. Тед порано работел во... (погодувате?) ...радио станица, но се судрил со проблеми предизвикани од „алкохол, дрога и неколку други работи“.
Сега, проблемите со зависностите се зад него и Вилијамс е трезен и „чист“ веќе две години, но мора на ваков начин да заработува за живот. Во меѓувреме, неговото видео стана огромен интернет хит. Погледнете го.