Елен Деџенерис умее да „намириса“ талент, а 10-годишните близначки Аби и Сара, кои ѝ беа гостинки во шоуто, го потврдуваат тоа.
Слатките Канаѓанки привлекоа огромно внимание не само со својот глас, туку и со способноста да свират гитара. Видеото од нивната изведба на песните „Stay With Me“ и „I'm Not The Only One“ од Сем Смит на Facebook е прегледувано повеќе од 9 милиони пати и има над 95.000 споделувања.
Во интервјуто со Елен, талентираните девојчиња споделија дека пеат од својата четврта година.