Наскоро ќе започне пролет, па наместо да се затворите да вежбате 1 час во фитнес сала, излезете и потрчајте на отворено. Врз основа на резултатите од ново истражување, научниците тврдат дека вежбањето надвор е многу подобро отколку вежбањето во фитнес сала.
Кога луѓето вежбаат на отворено, кај нив значително се намалува напнатоста, лутината и депресијата
Анализирајќи податоци од претходни истражувања, научниците откриле дека кога луѓето вежбаат на отворено, кај нив значително се намалуваат напнатоста, лутината, депресијата и други негативни емоции. Биле анализирани многу податоци од истражувања во кои се споредувале позитивните страни на вежбањето во затворен простор и вежбањето на отворено.
Истражувачите заклучиле и дека луѓето кои вежбаат на отворено чувствуваат поголемо задоволство и се посклони да продолжат да вежбаат, отколку оние кои вежбаат на затворено.
Вежбањето во природа не само што носи поголемо задоволство, туку и прави да се чувствувате посвежи и попозитивни. Друго истражување покажа дека е доволно да поминете само 20 минути надвор за да добиете исто енергија колку и од шолја кафе.
Сите овие истражувања укажуваат на предностите кои ги носи врската помеѓу човечкото тело и природата. Експертите предупредуваат дека луѓето денес поминуваат многу време во затворен простор и не го трошат слободното време надвор за да го почувствуваат позитивното влијание на природата.