Весела забава и торта со суперхерои: Таско и Наташа со роденденска прослава за синот Лукијан
Синот на Таско и Наташа го прослави својот трет роденден.
Гордите родители организираа роденденска забава во кругот на најблиските, а малиот славеник Лукијан неизмерно уживаше. Роденденската торта беше украсена со неговите омилени суперхерои, кои беа инспирација и за целокупната декорација на прославата.
Наташа на социјалните мрежи сподели и емотивно видео од Лукијан и неговата сестричка Кирјана како се гушкаат во нивниот дом, додека на мафини заедно ја дуваат свеќичката со бројот три.
Лукијан и Кирјана се разлика само година и три месеци , а во интервју за мајчинството за Фемина, сопругата на познатиот македонски хип-хоп артист раскажа:
„По карактер и темперамент, децата се мешавина од нас двајца, но мислам дека синот повеќе наликува на мене кога станува збор за упорност и емпатија, а ќерката го носи духот на Таско – енергична, весела и со силен темперамент. Секој од нив е уникатен, но убаво е да се гледа како делови од нас се огледуваат во нив, со својот сопствен карактер.“
Таа откри и каков татко е Таско:
„Таско е неверојатен татко. Енергичен и забавен, но истовремено присутен и внимателен. Секогаш се труди да им даде љубов, поддршка и сигурност на децата, без разлика колку е зафатен. Семејството со него е тим, полн со љубов и внимание. Немаме поделби околу чување на децата, гледаме да сме сите заедно колку што можеме.“