Лорен Санчез се подготвува да зачекори кон олтарот.
Пред свадбата со основачот на Amazon, Џеф Безос, 55-годишната поранешна новинарка направи моминска забава во Париз. Лорен покани 12 важни за неа жени на пловење со брод по реката Сена во градот на светлината.
Меѓу гостинките беа Ким Кардашијан, Ева Лонгорија, Крис Џенер и Кети Пери. Тие се смееја, се забавуваа и уживаа во глетката.
Лорен носеше тесна бела модна комбинација од Murmur, чантичка во форма на Ајфеловата кула од Judith Leiber со цена од 6 илјади долари и бели салонки.
„Засекогаш започнува со пријателство, опкружено со жени кои ме расположуваа, го осветлуваа мојот пат во темните моменти и патем го оформија моето срце“ – напиша Санчез на Instagram.
Безос и Санчез се верија во мај 2023 година. Според информации од странските медиуми, парот планира да стапи во брак во јуни во Венеција.
