Париз ги објави плановите да стане тотално велосипедски град во претстојните неколку години.
Во периодот до 2026 година, француската метропола планира да изгради нови велосипедски патеки долги 180 километри и да го утрои бројот на паркинг места за велосипеди, додавајќи 130 илјади нови паркинзи. Планирано е да се отстранат половината од паркинзите на автомобили.
Долго време, Париз важеше за град кој се гушеше во сообраќаен метеж, но планот на градоначалничката, Ана Идалго, е целосно да ја промени таа слика и да го промени односот на жителите кон велосипедизмот. Таа вети дека ќе направи еколошка трансформација на Париз и се чини дека е на добар пат.
Во планот се предвидува семафорите да им даваат предност на велосипедистите, на автобусите и на трамваите, а не на автомобилите како што беше досега.
Пред неколку недели стапи во сила одлуката да се ограничи максималната брзина на возење автомобили на 30 километри на час.
Возењето велосипед нуди многу придобивки. Тоа не само што ја подобрува физичката кондиција, туку и е добро за здравјето на срцето, зглобовите и мускулите.
