Близначињата на Кристијано Роналдо наполнија 5 години. По тој повод, Џорџина Родригез организираше мала домашна прослава.
28-годишниот модел сподели фотографии од забавата за Ева и Матео. Тортата за ќеркичката беше со Ана и Елза од „Frozen“, додека за малото синче - во облик на Ферари.
„Среќни 5 години на љубовите на мојот живот. Мама не може да биде погорда на вас и на прекрасните личности кои станувате. Ве сакам со целото срце“ – напиша таа во описот на фотографиите со Ева, Матео, Кристијано Џуниор и Алана Мартина.
Роналдо не беше присутен поради професионални ангажмани. Тој им го честиташе роденденот на своите деца со фотографија и порака. „Среќен роденден мои сакани. Тато не може да биде погорд на вас, продолжете да бидете среќни со тие прекрасни насмевки. Ве сакам многу“ – стои во описот на фотографијата од слатките близначиња.
На Кристијано и Џорџина им се роди уште една ќеркичка во април. Тие очекуваа близнаци, но за жал, нивното синче почина по раѓањето.