Во семејството на Северина се славеше важен духовен момент за нејзиниот син Александар.
14-годишното момче прими Света кризма (Света потврда), а нивните најблиски се собраа за заедно да го одбележат овој свечен и значаен ден.
Светата кризма е христијански верски обред, најчесто присутен во Католичката црква, со кој верникот ја потврдува својата вера и прима благослов преку помазание со свето масло - кризма. Овој чин симболизира духовна зрелост, потврда на крштевањето и посилна поврзаност со верата.
Хрватската музичка ѕвезда на социјалните мрежи сподели фотографии од прославата, откривајќи дел од топлата семејна атмосфера и емоциите кои го одбележаа денот. На фотографиите Северина позира насмеана покрај својот син, семејството и најблиските пријатели.
„[Света кризма] Кризманикот, кумата, мама… семејството и пријателите ти посакуваат убав, среќен и благословен живот, мој прекрасен син... 16.05.2026“ – стои во описот.
