Васил Зафирчев сподели стари фотографии со бившата сопруга Калиопи од Златна бубамара 2004

Васил Зафирчев се потсети на минатото денови пред одржувањето на уште една Златна бубамара на популарноста.

Македонскиот актер објави стари фотографии со поранешната сопруга Калиопи од манифестацијата која се одржа во 2004 година, истата година кога тие стапија во брак.

„Калиопи и Васил Зафирчев – Златна бубамара на популарноста 18.02.2004“ – напиша тој на Instagram.

Актерот и популарната пејачка беа во брак од 2004 до 2011 година, а по разводот останаа многу добри пријатели. Васил остана еден од најголемите поддржувачи на музиката на Калиопи.

Оваа година Златна бубамара на популарноста ќе се одржи на 26 февруари по 29-ти пат.