Ужас во Мексико: Свекрвата од љубомора ја уби снаата зашто ѝ го украла синот, моментот беше снимен на камера
Огромна трагедија ја потресе мексиканската јавност. Поранешна мисица и инфлуенсерка беше брутално убиена од сопствената свекрва, а моментот беше снимен на камера.
27-годишната Каролина Флорес Гомез, поранешна носителка на титулата Мис Тин Универзум Долна Калифорнија, беше застрелана оваа година во стан во елитната населба Поланко во Мексико Сити.
Според истрагата, убиец е нејзината свекрва, 63-годишната Ерика Марија, со која Каролина подолго време имала нарушени односи и семејни конфликти.
Трагедијата се случила по жестока расправија меѓу двете жени, а целиот момент бил снимен на камера од бебе-монитор во станот. На снимката, која подоцна протече во јавноста, се слушаат најмалку шест истрели, како и шокантен разговор меѓу осомничената и нејзиниот син Алехандро, партнерот на жртвата.
„Што направи, мамо? Таа ми е фамилија“ – прашува тој, на што таа ладнокрвно одговара: „Ништо, ме изнервира... Ти си мој, таа те украде од мене“.
#QEPD VIDEO MUESTRA MOMENTO DEL ASESINATO DE LA EXREINA DE BELLEZA ✝️
El caso de Carolina Flores podría tomar un nuevo rumbo tras la filtración de un video que muestra una discusión con detonaciones en un departamento en Polanco, en la Ciudad de México.https://t.co/x03uYRqtR7 pic.twitter.com/f1Er75CZAI— Hora Cero Web (@horaceroweb) April 23, 2026
Во моментот на убиството, во станот биле и Алехандро, како и нивното 8-месечно бебе.
Иако бил сведок на злосторството, тој го пријавил случајот дури наредниот ден, што предизвика лавина реакции и сомнежи во јавноста. Според неговите изјави, стравот од мајка му и желбата да го заштити детето биле причината за доцнењето.
Осомничената успеала да избега и сè уште е во бегство, додека властите издале потерница и аларм за нејзино апсење низ целата држава. Случајот е класифициран како фемицид, убиство на жена мотивирано од родово базирано насилство.
Убиството ја шокираше цела земја и предизвика масовни реакции, протести и повици за правда под хаштагот #JusticiaParaCarolina.
