Тони Вард беше меѓу дизајнерите кои се истакнаа на Париската недела на високата мода.
Либанскиот дизајнер ја презентираше својата нова колекција со ревија во уметничкиот центар „Palais de Tokyo“. Боите и дезените на креациите биле инспирирани од мискроскопско истражување на кожата, а биле направени од апциклирани материјали од претходни колекции, реадаптирани на потребите на новите дизајни.
„Денешната жена сака да изгледа како славна личност на црвениот тепих, без разлика дали оди на свадба, на крштевка или на забава. Таа во своите очи сака да изгледа како најважната личност, бидејќи ние треба прво да се сакаме себеси, пред да им дадеме љубов на другите“ – велат од брендот.
