Стареењето е нормален процес, а заедно со него доаѓаат и белите влакна. Обелувањето на косата може да се случи на различна возраст кај различни личности, но додека некои од нив се насочуваат кон бојадисување на косата, други грациозно препуштаат седата коса да заблеска.
Сè повеќе жени низ светот, па дури и некои славни личности, се решаваат да го прифатат природниот изглед на косата. Постои причина што дури и младите избираат да се фарбаат со сива боја, а сивата коса беше и силен тренд изминатите години – сивото изгледа неверојатно на секоја возраст.
„Art In Ageing“ е група посветена на дамите кои бестрашно се насочуваат кон изглед со седа коса и притоа блескаат со самодоверба. Некои од нив имаат целосно природен изглед на косата додека други се на пат да го постигнат, но сите изгледаат прекрасно.
„Оставив времето да се погрижи за тоа. На почетокот, имав неколку бели влакна напред. По неколку години, белото се прошири кон слепоочниците, а потоа новите влакна беа бели. Прогресијата беше постепена со текот на времето. Се чувствував ослободено. Чувството речиси е како да имам супермоќ. Мојата коса нема контрола над мене. Сакам да ја славам мојата природна верзија“ – вели Тинили Марфи, чија коса започнала да белее на 23-годишна возраст.
