Ума Турман ја поведе со себе ќерка си Маја Хоук на настан во Њујорк посветен на новите родители и нивните деца.
На 25-тата гала на непрофитната организација „Room To Grow“, дуото мајка-ќерка носеше облека во црна боја. Својот изглед, 53-годишната актерка го надополни со винтиџ дијамантски накит од 19-тиот век. Висечките обетки се од 1830 година, додека брошот бил направен во 1865 година.
Кога за првпат била вклучена во активности на „Room To Grow“, Ума била бремена со Маја, а сега, 25 години подоцна, тие заедно позираа на синиот тепих.
Организацијата им помага на семејства од Њујорк и Бостон со ниски примања, кои имаат бебиња или мали деца. Според Ума, првите три години од животот на детето се најважни за неговиот иден развој.
„Истражувањата и времето покажаа дека тие години се круцијални за успехот на детето и за тоа да може да порасне во успешна возрасна личност. Секое дете на кое ќе му дадеме подобар живот во нашата заедница, ќе може да ни возврати и да ни даде подобар свет“ – рекла таа.
Ума ја има ќерката Маја од бракот со Итан Хоук, кој заврши во 2005 година. Маја и Итан заедно позираа за списанието Variety.
