Ниту една стилска приказна не е комплетна без највпечатливиот моден аксесоар – накитот. Внесува уникатна нота во секој стајлинг, умее експресно да го зароби погледот, а е рефлексија на индивидуалноста на оној кој го носи. Токму затоа, вистинските почитувачи на модата не би го пречекориле куќниот праг без да ја активираат магијата на накитот.
Најновите тенденции кај накитот би задоволиле многу различни преференции, а се вткаени во актуелните колекции на италијанскиот бренд Rebecca, достапен во Ист Гејт Мол и Рамстор.
Незаборавни со Stockholm
Посакувате накит со wow-ефект кој може секој аутфит да го претвори во незаборавен стилски погодок? Колекцијата Stockholm е врвен избор, независно дали планирате глам-рок дневна комбинација или моќен изглед за свеченост.
Коктел прстени и впечатливи синџирчиња и обетки, изработени од бронза и 24-каратна позлата со кристали и одржлив полимер, сведочат за моќен карактер и самодоверба.
Сензуални со Jolie
Дозволете си да бидете маѓепсани од безвременската убавина која зрачи од колекцијата Jolie. Префинетите парчиња носат софистицираност и пленат со суптилен блесок.
Прецизно украсен со деликатен дијамантски прав, овој накит ќе стане константа во вашите поспецијални стајлинзи.
Ненаметливо гламурозни со Diana
За специјалните моменти кои сакате да ги памтите засекогаш, нека влезе во вашиот моден радар гламурозната Diana колекција. Инспирирани од неповторливата принцеза Дијана, нарекувана и Кралица на срцата, овие парчиња освојуваат со отмена естетика.
Неспорно станува збор за модерна класика изработена од сребро 925 и колоритни кристали на која ќе се навраќате секогаш кога се стремите да оставите елегантен впечаток.
Разиграни со Tulipe
Атрактивните лалиња со препознатливата силуета ја диктираат основата на колекцијата Tulipe. Забавна, динамична и вистински магнет за око.
Фините синџирчиња од бронза, надополнети со светкави елементи за доза луксуз или природни камења од жад во привлечни нијанси, се стилско волшепство од кое никогаш нема да се заситите.
Уникатни со My World
Ставете силен личен печат на секоја ваша комбинација со парчињата накит од колекцијата My World.
Изберете современи иницијали и симболи кои го одразуваат вашиот карактер и говорат за вашите приоритети или изненадете некого со подарок за кој сигурно ќе знае дека е избран со посебно внимание. Испишете име, прекар или надоврзете приврзок со големо значење...
Комбинациите се бескрајни, започнете да креирате блескава сторија сега!
