Ултра модерна и на минусни температури: Каролина Гочева на Нова година во шик палто од македонски дизајнер

Ниските температури не влијаеја на стилскиот впечаток кој Каролина Гочева го остави на новогодишната прослава на плоштадот „Македонија“.

„Македонското девојче“ беше меѓу многуте наши изведувачи кои ги забавуваа присутните на прославата во Скопје, а нејзиниот стајлинг привлече само комплименти.

На забавата во главниот град, популарната пејачка носеше црна облека со „војнички чизми“ и впечатливо палто од дизајнерот Марков.

„Ви благодарам на сите кои синоќа останавте до крај и заедно ги поминавме првите моменти од новата година и покрај мноогу ладното време 🥶❄️ Мене околу срцето ми беше топло“ – напиша таа и сподели фотографии од изгледот за новогодишната ноќ.

За шминката беше задолжен нејзиниот долгогодишен соработник Дадар додека целосниот стајлинг го потпиша Јована Зука.