Сузана Турунџиева изминатиов викенд беше дел од прекрасна семејна веселба и покажа дека елеганцијата и убавината се наследни во нејзиното семејство. Таа присуствуваше на свадба кај свои блиски роднини, од каде сподели среќни моменти.
Македонската водителка објави фотографии на кои позира со своите две ќерки Лора и Матеа, внукот Јаков и мајка си Блага. На нив, Сузана и Лора носат црни модни комбинации, додека Матеа е облечена во бело кратко фустанче.
Сузана преку емотивна порака на социјалните мрежи покажа дека прославата поминала со многу емоции и сеќавања за оние кои физички не се присутни.
„И нашите на небото се радуваат кога семејството слави. Синоќа наздравивме за љубовта на Марјан и Марија“ - напиша Турунџиева.
Сузана ја доби Лора од нејзиниот прв брак со пливачкиот маратонец Александар Маленко, додека Матеа е нејзина ќерка со Марјан Трајковски, кој почина во 2014 година.
Јаков е син на Лора.
