Листата на најплатените жени во Холивуд се подмладува. Половината од 10-те жени со најголема заработка се на возраст под 30 години. И кога велиме половината, всушност мислиме на Бијонсе, Лејди Гага, Мајли Сајрус и Тејлор Свифт.
Но, нивното богатство не може да се спореди со богатството на жената која се наоѓа на врвот на листата – Опра Винфри.
1. Опра Винфри со заработени 315 милиони долари во периодот од 1 јуни 2009г. до 1 јуни 2010г. е најплатената жена во Холивуд.
2. Бијонсе е на второ место со заработени 87 милиони долари од светската турнеја, нејзината модна линија и договорите со компании како Nintendo и L'Oréal.
3. Бритни Спирс со заработените 64 милиони долари е на третото место.
4. Лејди Гага можеби сруши многу рекорди, но не успеа да постави рекорд на оваа листа. Со помош на нејзиниот ексцентричен стил на облекување таа оствари годишна заработка од 62 милиони долари.
5. Мадона сè уште не го отстапува своето место на музичката сцена и сè уште заработува одлично. 58-те милиони долари кои ги заработи во изминатава година ја донесоа 52-годишната пејачка на петтото место.
6. Сандра Булок, благодарение на двата успешни филма The Proposal и The Blind Side, успеа да заработи 56 милиони долари и да биде најплатената актерка во Холивуд. Тоа ја донесе на шестото место на листата на жените од шоу-бизнисот со најголема заработка.
7. Елен Деџенерис и нејзините 55 милиони се најдоа на седмото место. Популарноста на нејзиното шоу, учеството во American Idol и во рекламните кампањи на брендови како American Express и CoverGirl се причината Елен денес да се вброи меѓу жените со најголема заработка.
8. Мајли Сајрус постојано докажува дека расте и дека веќе не е малата Хана Монтана. Но, да не беше нејзината улога на Хана Монтана, Мајли немаше да се појави на оваа листа. Во изминатава година Мајли има заработено вкупно 48 милиони долари.
9. Тејлор Свифт со заработка од 48 милиони го дели последното место на листата со судијката Џуди.
10. Судијката Џуди Шејндлин заработила 48 милиони долари.
Вкупната заработка на жените во Холивуд е 835 милиони долари. Но, тоа сепак е помалку од вкупната заработка на холивудските мажи од 1,2 милијарди.