Филмските хитови не би биле толку популарни ако во нив не е вклучена интересна романтична приказна. Титаник постигна огромен успех благодарение на приказната за големата љубов на главните ликови, а истото се случи сега и со Аватар. Романтичната приказна привлече многу жени да станат дел од публиката на овој филм.
Откако пред еден месец се појави листата на холивудските парови со најголема заработувачка, сега Форбс ја создаде листата на парови од филмското платно кои заработуваат најмногу пари.
Во листата се вклучени парови кои снимиле заедно најмалку два филма во изминатите 20 години, а рангирањето е изведено врз основа на заработката на филмовите во кои што учествувале.
1. За големо изненадување, на првото место се наоѓаат Лив Тајлер и Виго Мортенсен. Почесното место овие актери го заслужија со улогите во популарната трилогија „Господарот на прстените“. Нивната филмска романса придонесе за вкупна заработка на трилогијата од 2,9 милијарди долари.
2. Второто место им припадна на Кирстен Данст и Тоби Мегваер, кои своите актерски способности ги покажаа во трилогијата Спајдермен. Љубовта помеѓу нив играше голема улога за заработката од 2,5 милијарди долари.
3. Сигурно повеќето би се обложиле дека Леонардо Дикаприо и Кејт Винслет ќе бидат на прво место. И покрај предноста што ја имаа поради популарноста на Титаник, двајцата актери се најдоа на третото место на оваа листа со заработувачка од 1,9 милијарди.
4. Четвртото место им припадна на главните ликови во филмовите Трансформерс, Меган Фокс и Шаја Лабаф. Тие веќе снимија два филма, а третото продолжение се очекува да се појави во јули 2011 година. Заработка – 1,5 милијарди долари.
5. Петтото место заслужено им припадна на Роберт Патинсон и Кристен Стјуарт, благодарение на улогите на Бела и Едвард во филмовите „Самрак“. Првите два филма имаа заработка од 1,1 милијарди долари, а третиот дел се очекува да се појави кон крајот на јуни.
6. Можеби најшармантните актери во Холивуд, Џулија Робертс и Џорџ Клуни, застанаа на шестото место на оваа листа. Првите два дела на филмот Оушн, 11-мината на Оушн и 12-мината на Оушн, имаа заработка од 847 милиони долари. Славната екипа имаше огромно влијание на успехот на овој филм.
7. Џулија Робертс се појавува двапати на оваа листа, овој пат во тандем со Ричард Гир. Филмовите „Убава жена“ и „Невеста бегалка“ и заработката од 770 милиони долари ги поставија Џулија и Ричард на седмото место.
8. Бен Афлек и Лив Тајлер се најдоа на осмото место, благодарение на филмскиот хит „Армагедон“ и драмата „Девојката од Џерси“. Двата филма заработија вкупно 590 милиони долари.
9. Филмовите „Дневникот на Бриџит Џонс“ и „Бриџит Џонс на работ од разумот“ ги донесе Колин Фирт и Рене Зелвегер на деветтото место со заработувачка од 545 милиони долари.
10. Десеттото место им припадна на Мег Рајан и Том Хенкс. Тие се единствениот пар кој се појавува во три филмови што не се продолженија. Најголема заработка од нив имаше филмот „Имате пошта“ (250 милиони долари), а вкупната заработувачка на нивните филмови е 519 милиони долари.