Урсула Корберо откри дека е бремена.
Шпанската актерка, најпозната по улогата на Токио во хит серијата „La Casa de Papel“, го очекува своето прво дете со долгогодишниот партнер, актерот Чино Дарин.
Ѕвездата на хит-серијата ја сподели веста на Инстаграм со фотографија на која носи бела свилена ноќница, гордо покажувајќи го трудничкиот стомак и духовито додавајќи: „Ова не е вештачка интелигенција“.
Корберо и Дарин се во долга врска од 2016 година, кога се запознаа на снимањето на политичката серија „The Embassy“, во која глумеа како Естер Чернуда и Карлос Гиљен.
Шпанската актерка стекна меѓународна слава со улогата на бунтовничката Токио во „La Casa de Papel“ (2017–2021), каде што нејзиниот лик, покрај тоа што беше дел од бандата предводена од Професорот, ја имаше и улогата на наратор на приказната.
