„Тој не повредува никого со носењето фустан“: Брајан Остин Грин зборуваше за малиот син со Меган Фокс кој редовно носи фустани

Семејните прошетки на Брајан Остин Грин и Меган Фокс со нивните три мали синчиња се честа мета на папараците.

На фотографиите, многумина забележаа дека нивниот најголем син Ноа редовно носи фустанчиња, па не се воздржаа од коментирање и критикување.

Во најновото интервју за „Hollywood Pipeline“, 44-годишниот актер застана во одбрана на 4-годишното синче и изјави: „Син ми, знаете, тој има четири години. И слушнав дека некои луѓе не се согласуваат. Не се согласуваат тој да носи фустанчиња. Нив им велам, не ми е гајле. Тој не повредува никого со носењето фустан. Па, ако сака да носи фустан, одлично. Сметам дека 4 и 5 се години кога треба да се забавуваш“.

ВИДЕО

Меган и Брајан се родители и на 3-годишниот Боди и едногодишниот Џурни Ривер.

Холивудските ѕвезди ја започнаа својата врска пред 12 години, а во јуни 2010 година стапија во брак на плажа на Хаваи. Тие најавија развод во 2015 година, но третата бременост очигледно беше повод да „заборават“ на разделбата.

Неодамна, истиот скандал се крена и за синот на Шарлиз Терон, кој исто така често носи женска облека. Нејзе ѝ беа упатени многу критики, од лица кои сметаат дека доколку сакала да има ќерка, требало да посвои девојче, а не момче.