„Каква мајка си ти?“: Шарлиз Терон критикувана што го облекува посвоениот син како девојче

На адреса на Шарлиз Терон изминативе неколку месеци пристигнуваат критики за начинот на кој го облекува својот шестгодишен син Џексон.

Холивудската ѕвезда неколку пати беше уловена од папараците заедно со двете свои деца, но многумина забележаа дека нејзиниот син во повеќе наврати носи женски фустанчиња.

Критиките за 42-годишната актерка непрекинато се нижат на социјалните мрежи, од корисници кои сметаат дека тоа е погрешно и дека нејзиниот син е мал за сам да носи одлуки и дека таа треба да го научи што е правилно.

„Ти треба да го поправиш и да го научиш да разликува што е правилно, а што погрешно, додека тој да стане доволно голем за да може да носи самостојни одлуки.“

„Каква мајка си ти? Те молам престани да го облекуваш тоа мало момче како девојче. Тоа е погрешно од твоја страна.“

„Владата треба да ти го одземе тоа дете. Кога само би ја знаела болката низ која поминала мајката на тоа момче, не би го правела ова што го правиш.“

Терон го посвои Џексон во март 2012 година, а ќерката Огуст ја посвои пред две години.