Стојанче Ангелов на 18-тиот роденден на ќерката: „На денешен ден ја пресеков папочната врвца на ќеркичката и ја одвоив од мојата сопруга“

Ќерката на Стојанче Ангелов прослави полнолетство. 

Поранешниот генерал-мајор на специјалните единици на македонската полиција и актуелен директор на Дирекцијата за заштита и спасување сподели фотографија со ќерката Сара и сопругата Јасминка и напиша:

„На денешен ден, во 2008 година, ја пресеков папочната врвца на ќеркичката Сара и ја одвоив од мојата прекрасна сопруга Јасминка Ангелова.

Денес Сара наполни 18 години. 

Времето лета. Навистина лета“.

Пред неполни два месеци, Ангелов го прослави својот 54-ти роденден на одмор со сопругата.

„Најпосле! Неколкудневен летен одмор.

Од денес се чувствувам како да имам 54! 

Ви благодарам за роденденските честитки.

Бидете живи и здрави!“ – напиша тој.

Стојанче со сопругата Јасминка заедно ги имаат ќерката Сара и синот Марко, а двајцата имаат и по една ќерка од претходните бракови.