Претседателката Гордана Сиљановска-Давкова префинета дама на средба со Емануел и Брижит Макрон во Париз
Гордана Сиљановска-Давкова синоќа присуствуваше на свечена вечера во Елисејската палата во Париз, организирана од францускиот претседател Емануел Макрон во чест на шефовите на држави и влади, во рамките на Парискиот мировен форум.
На средбата со францускиот претседател и неговата сопруга Брижит Макрон, Сиљановска-Давкова се појави во префинет стајлинг со бисери, а фотографиите од свечената вечер го доловуваат дипломатскиот амбиент во една од најпознатите резиденции во светот.
Во пријателска атмосфера, разговорите од Форумот продолжија и за време на вечерата, со осврт на важни глобални теми – мирот и геополитиката, животната средина, новите технологии, како и иднината на Европската Унија.
„Со задоволство вчеравечер, во Елисејската палата, присуствував на свечената вечера што во чест на шефовите на држави и влади ја приреди претседателот на Француската Република, Емануел Макрон, кој е иницијатор на Парискиот мировен форум.
Во пријателски амбиент, разговорите од Форумот продолжија, со осврт на дел од темите за коишто дискутиравме: мирот и геополитиката, животната средина и новите технологии, како и иднината на ЕУ“ – напиша македонската претседателка.
ВИДЕО:
Сиљаковска-Давкова присуствуваше и на отворањето на Парискиот мировен форум, а имаше свое обраќање на панел-дискусијата „Одбрана на линијата: Суверенитет во ера на хибридни закани“.
